DNIK-MTC halo ligasaun foun ba kliente iha Escola STM Becora.
Iha loron 14 julhu 2020 ekipa tekniku fibra optika husi Diresaun Nasional Infraestrutura, Ministerio Transporte no Komunikasaun (DNIK-MTC) halao aktividade servisu iha eskola tekniku vokasional (STM) becora-Dili Timor Leste.
Objetivu husi aktividade ida ne’e mak atu halo ligasaun foun rede internet ba kliente sira iha fatin refere. Eskola tekniku vokasional (STM) becora hanesan kliente nebe potensial atu bele aksesu informasaun liu husi lina internet. Aktivasaun lina foun ida neé hanesan meus ida nebe Governu bele oferese hodi rekopera fila sira prosesu aprendizazem iha teritoriu timor Leste. Prosesu apredizazem kuaze fulan tolu nia laran paradu total tamba Nasaun Timor Leste mos hetan impaktu husi epidemic corona ou Covid-19.